«Չելսիի» կիսապաշտպան Ն’Գոլո Կանտեն այս մրցաշրջանում կարող է այլեւս խաղադաշտ դուրս չգալ:
Այս մասին լրագրողների հետ զրույցում ասել է թիմի գլխավոր մարզիչ Ֆրենկ Լեմպարդը։
«Երեկվա մարզման ժամանակ Կանտեն վնասվածք է ստացել։ Նրա մոտ ցավեր են առաջացել աճուկի շրջանում։
Նախնական կանխատեսումների համաձայն՝ նա բաց կթողնի մի քանի շաբաթ։ Բոլորը հասկանում են, թե դա ինչ է նշանակում»,- ասել է մարզիչը:
Այս մրցաշրջանում 32-ամյա ֆրանսիացի կիսապաշտպանը հաճախ է վնասվածքներ ստանում։
Վնասվածքների պատճառով Կանտեն Պրեմիեր լիգայի միայն յոթ հանդիպման է մասնակցել, որոնցում կատարել է մեկ գոլային փոխանցում և ստացել մեկ դեղին քարտ։
