Միլանի «Ինտերի» կիսապաշտպան Մարցելո Բրոզովիչը կարող է կարիերան շարունակել այլ առաջնությունում։

Ինչպես հայտնում է Mundo Deportivo-ն, խորվաթ կիսապաշտպանը տարբերակներ ունի Իսպանիայում և Անգլիայում:

Աղբյուրի տեղեկություններով՝ ֆուտբոլիստի ծառայություններով հետաքրքրված են կատալոնական «Բարսելոնան» և «Նյուքասլը»։

Անգլիական ակումբը պատրաստ է կիսապաշտպանի տրանսֆերի համար հատկացնել մոտ 35 մլն եվրո։

30-ամյա ֆուտբոլիստը «Ինտերի» գույները պաշտպանում է 2016 թվականի հուլիսից։

Նրա ներկայիս աշխատանքային պայմանագիրը գործում է մինչև 2026 թվականի կեսերը:

Portal Transfermarkt-ը նրա արժեքը գնահատում է 28 միլիոն եվրո: