Բրազիլացի հարձակվող Նեյմարը կարող է տեղափոխվել Անգլիայի Պրեմիեր Լիգա:
Ինչպես հայտնում է Le10Sport-ը, ՊՍԺ-ի հարձակվողի ծառայություններով հետաքրքրված է «Մանչեսթեր Յունայթեդը»:
Այնուամենայնիվ, ինչպես նշում է աղբյուրը, այս տրանսֆերը հնարավոր կլինի իրականացնել միայն մեկ պայմանով:
Դա հնարավոր կլինի միայն այն դեպքում, եթե ակումբի ապագա սեփականատերերը տրամադրեն անհրաժեշտ գումարը:
Հիշեցնենք, որ Նեյմարը փարիզյան գրանդ է տեղափոխվել 2017 թվականին կատալոնական «Բարսելոնայից»:
Այս մրցաշրջանում բրազիլացին Լիգա 1-ում անցկացրել է 20 հանդիպում՝ դառնալով 13 գոլի և 11 գոլային փոխանցման հեղինակ:
Հարձակվողը վնասվածքի պատճառով բաց կթողնի մրցաշրջանի մնացած հատվածը։
