«Բավարիայի» հարձակվողներ Սադիո Մանեն և Լերոյ Սանեն մասնակցել են թիմի հետ մարզմանը, հայտնում է Sky Sports Germany-ն։
Աղբյուրի փոխանցմամբ՝ երկու ֆուտբոլիստներն էլ ներողություն են խնդրել թիմից Մանչեսթերում տեղի ունեցած միջադեպի համար։
Հաղորդվում էր, որ ֆուտբոլիստների միջև վիճաբանություն է տեղի ունեցել Չեմպիոնների Լիգայի քառորդ եզրափակչի՝ «Մանչեսթեր Սիթիի» դեմ առաջին խաղից հետո (0:3):
Վեճն ավարտվել է նրանով, որ սենեգալցին հարվածել է գերմանացի հարձակվողի դեմքին՝ քերծվածք թողնելով նրա շրթունքին։
