«Բարսելոնայի» նախագահ Ժոան Լապորտան նամակներ է հղել ՖԻՖԱ-ին և ՈւԵՖԱ-ին՝ կապված կատալոնական ակումբի շուրջ սկանդալային գործի հետ։
Ավելի վաղ հաղորդվում էր, որ «Բարսելոնան» գումար է վճարել Իսպանիայի Արքայական ֆուտբոլի ֆեդերացիայի (RFEF) մրցավարների տեխնիկական կոմիտեի նախկին փոխնախագահ Խոսե Մարիա Էնրիկես Նեգրեիրային։
Ինչպես հայտնում է Catalunya Ràdio-ն, Լապորտան գործի առնչությամբ նամակներ է ուղարկել ՈւԵՖԱ-ին և ՖԻՖԱ-ին։
Նա երկու կազմակերպություններին էլ խնդրել է խուսափել ակումբի և նրա գործողությունների դեմ վարկաբեկիչ հայտարարություններ անելուց:
