Իտալական «Ռոմայի» սերբ կիսապաշտպան Նեմանյա Մատիչը մոտ է հռոմեական ակումբի հետ նոր պայմանագիր կնքելուն, գրում է La Gazzetta dello Sport-ը:
Սերբ ֆուտբոլիստը ցանկանում է մնալ ակումբում և աշխատել Ժոզե Մոուրինյոյի հետ: Ակումբը պատրաստ է 34-ամյա ֆուտբոլիստին մեկ տարվա պայմանագիր առաջարկել:
Հիշեցնենք, որ Մատիչը հռոմեական ակումբ է տեղափոխվել 2022 թվականի հունիսին՝ անգլիական «Մանչեսթեր Յունայթեդից»:
Ա Սերիայի ընթացիկ մրցաշրջանում Մատիչը մասնակցել է 23 խաղի, խփել մեկ գոլ, կատարել մեկ գոլային փոխանցում:
Transfermarkt-ը 4 միլիոն եվրո է գնահատում նրա տրանսֆերային արժեքը:
