«Ատլետիկոյի» դարպասապահ Յան Օբլակը դժգոհ է մնացել Խեսուս Խիլ Մանսանոյի մրցավարությունից։
Լա Լիգայի 23-րդ տուրում «Մադրիդի Ռեալի» հետ հանդիպման (1:1) 64-րդ րոպեին մրցավարը դաշտից հեռացրեց հարձակվող Անխել Կորեային։
«Վերջին հինգ դերբիները մենք ավարտում ենք կարմիր քարտերով։ Միգուցե հաջորդ հանդիպումը տասը հոգով սկսենք»,- ասել է Օբլակը։
Իր կարծիքն է հայտնել նաև «Ատլետիկոյի» գլխավոր թիմի համակարգող Թոմաս Ռենյոնեսը։
«Ով դիտել է խաղը, հասկանում է, որ հեռացում չպետք է լինի։ Բայց սա նորություն չէ, մրցավարը վարժվում է դրան։ Վատն այն է, որ սա կարող է նորմ դառնալ։
Ֆուտբոլիստները վրդովված են ստեղծված իրավիճակից, նրանք իրենց անօգնական են զգում այն պատճառով, որ չեն կարողանում հավասար պայքար մղել։ Սա առաջին անգամը չէ, որ տեղի է ունենում։ Հանուն ֆուտբոլի բոլորս պետք է մտածենք, թե ինչ է կատարվում։ Մենք վճարում ենք ուրիշների սխալների համար։
Մենք խնդրում ենք, որ մեզ հարգեն, տան արժանապատվորեն պայքարելու նույն հնարավորությունները, ինչպես մյուսներին: Բոլորը վրդովված են, բայց չգիտեն ինչ անել»,- ասել է Ռենյոնեսը։
