Յուրգեն Կլոպը խոսել է «Լիվերպուլում» ստեղծված բարդ իրավիճակի մասին։
Մերսիսայդցիները Չեմպիոնների Լիգայում պարտվել են «Մադրիդի Ռեալին» (2:5) և Պրեմիեր Լիգայի 8-րդ տեղում են:
«Մենք գիտենք, որ ինչ-որ բան պետք է բարելավենք և փոխենք, և մենք դա կանենք։ Հիմա չենք կարող դա անել, բայց արդեն պարզ է, որ ամռանը պետք է ինչ-որ բան անենք։ Առայժմ մենք պարզապես պետք է անցնենք դրա միջով և պայքարենք:
Այս ակումբը կառավարվում է այնպես, որ փող չի շպրտում: Մեր տրանսֆերները միշտ պետք է հաջող լինեն։ Սա իսկապես բարդացնում է ամեն ինչ: Մենք չենք կարող չորս տրանսֆեր կատարել, քանի դեռ չիմանանք, թե ով է լքում ակումբը և նման բաներ:
Նախորդ մրցաշրջանը հարմար չէր մեծ փոփոխությունների համար։ Մենք խաղացինք մինչև վերջին պահը։ Մենք չենք կարող պարզապես խաղացողներ հավաքագրել, իսկ հետո հասկանալ, որ ոչ ոք չի ցանկանում հեռանալ: Այդպես չի ստացվում։
Անհնար էր ավելի շուտ սկսել, քանի որ մենք ունեինք եզրափակիչ առ եզրափակիչ, խաղացինք մինչև վերջին րոպեն, խաղացինք Չեմպիոնների Լիգայի եզրափակչում, հետո կարճ ընդմիջում ունեցանք, հետո շատ վնասվածքներ ստացանք, իսկ հետո աշխարհի առաջնությունը։
Մենք պետք է պլաններ կազմենք՝ հիմնվելով այս ակումբի կառավարման վրա: Ակնհայտ է, որ սա տարբերվում է մյուս ակումբներից։ Մինչ այժմ սա աշխատել է: Պետք է տեսնենք՝ դա դեռ կստացվի, թե՞ պետք է հարմարվենք»,- պարզաբանել է գերմանացի մարզիչը:
