«Չելսիի» և Մեյսոն Մաունթի միջև նոր պայմանագրի շուրջ բանակցությունները հետաձգվել են: Լոնդոնյան ակումբի սանի գործող պայմանագրի ժամկետը նախատեսված է մինչև 2024 թվականի ամառ։
Ինչպես հայտնում է The Athletic-ը, ամռանը և աշնանը «Չելսին» մի քանի առաջարկ է արել Մաունթին նոր պայմանագրի համար, սակայն մերժվել է։ Կիսապաշտպանի հետ համաձայնել չի հաջողվել։ Այս պահին Մաունթի հետ բանակցությունները դադարեցված են։ Սպասվում է, որ դրանք կվերսկսվեն մինչև ամառ։
«Չելսին» այս ամառ կրկին կփորձի նոր պայմանագրի շուրջ բանակցել Մաունթի հետ։ Եթե դա չհաջողվի, ապա ղեկավարությունը կհաստատի Մեյսոնի վաճառքը՝ 2024 թվականի ամռանը նրան անվճար չկորցնելու համար։ Նշվում է, որ ապագայում «Չելսիի» ղեկավարությունը չի ցանկանում թույլ տալ այնպիսի իրավիճակներ, երբ խաղացողներին երկու տարուց պակաս կմնա գործող պայմանագրերի ավարտին։
Ինչպես հաղորդվում է, «Մանչեսթեր Յունայթեդը», «Մանչեսթեր Սիթին», «Լիվերպուլը» և «Յուվենտուսը» վերահսկում են Մաունթի շուրջ ստեղծված իրավիճակը։ Մեյսոնը «Չելսիի» համակարգում է 6 տարեկանից։ Նա ակումբի կազմում անցկացրած 191 խաղում դարձել է 33 գոլի և 31 գոլային փոխանցման հեղինակ:
Հարձակողական ոճի կիսապաշտպանն այս մրցաշրջանում բոլոր մրցաշարերում «Չելսիի» կազմում անցկացրած 31 խաղում դարձել է 3 գոլի և 3 գոլային փոխանցման հեղինակ։
