Կատալոնական «Բարսելոնայի» գլխավոր մարզիչ Չավին մեկնաբանել է Լա Լիգայի 16-րդ տուրում Մադրիդի «Ատլետիկոյի» նկատմամբ արտագնա հաղթանակը (1-0):
«Երեք ոսկե միավոր: Մենք օգտագործեցինք մեր հնարավորությունները։ Նրանք ճնշում էին մեզ, բայց մենք գիտեինք, թե ինչպես վարվել այդ իրավիճակում:
Շատ կարևոր էր դարպասն անառիկ պահելը: Մենք ի վիճակի ենք հաղթել այնպիսի դժվարին մարզադաշտերում, ինչպիսին սա էր՝ տառապելով, բայց լինելով ընտանիք:
Մենք դարձել ենք Լա Լիգայում չեմպիոնության հավակնորդ: Կարևոր էր նաև հաղթել առանց Լևանդովսկու»,- Չավիի խոսքը մեջբերում է Marca-ն։
