Թուրինի «Յուվենտուսը» հետաքրքրված է լեհ հարձակվող Արկադիուշ Միլիկի հետ նոր գործարքով, որի իրավունքները պատկանում են ֆրանսիական «Մարսելին»:

Ըստ La Stampa-ի լրագրողների, «Ծեր սինյորան» որոշել է գնել 28-ամյա ֆուտբոլիստի ամբողջական տրանսֆերը, որի գումարը կազմում է 7 միլիոն եվրո։ Եվս երկու միլիոն կարող է վճարվել որպես բոնուս։

Արկադիուշի վարձակալության պայմանագիրը թուրինյան ակումբի հետ ավարտվում է ընթացիկ մրցաշրջանի ավարտին:

Իտալիայի առաջնության ընթացիկ մրցաշրջանում Միլիկը մասնակցել է 13 հանդիպման՝ դառնալով հինգ գոլի հեղինակ։