«Բարսելոնայի» գլխավոր մարզիչ Չավին խոսել է այն մասին, թե ինչպես է հրաժարվել Բրազիլիայի հավաքականի մարզչական շտաբում աշխատելուց։
«Դա բոլորովին անսպասելի հնարավորություն էր։ Ես խոսեցի նրանց հետ իմ գործակալի միջոցով և հնարավորություն ունեցա միանալ Տիտեի շտաբին, բայց ես ցանկանում էի գլխավոր մարզիչ լինել և սպասում էի «Բարսելոնա» հրավերին:
Հիմա ես այնտեղ եմ, որտեղ ուզում եմ լինել։ Իմ կարծիքով, սա աշխարհի լավագույն ակումբն է, և դա իմ սրտում է։ Ես հաճույք եմ ստանում իմ աշխատանքից և փորձում եմ փոփոխություն մտցնել «Բարսելոնայում»:
Այնուամենայնիվ, ես հնարավորություն ունեցա աշխատելու Բրազիլիայի հավաքականում։ Ես կասեի, որ դա պատմական հնարավորություն էր»,- ասել է Չավին:
