Անգլիական «Մանչեսթեր Յունայթեդի» պորտուգալացի հարձակվող Կրիշտիանու Ռոնալդուն մոտ է ձմեռային տրանսֆերային պատուհանի ժամանակ ակումբից հեռանալուն:
«Կարմիր սատանաները» պատրաստ են վաճառել 37-ամյա ֆուտբոլիստի տրանսֆերային իրավունքը 11 միլիոն եվրոյով, հայտնում է Daily Star-ը:
Ռոնալդուի ծառայություններով հետաքրքրված է ամերիկյան «Ինտեր Մայամին», որի սեփականատերը Դևիդ Բեքհեմն է:
Ընթացիկ մրցաշրջանում Ռոնալդուն բոլոր մրցաշարերում մասնակցել է 9 խաղի, խփել 1 գոլ: Պորտուգալացու պայմանագիրը ակումբի հետ ուժի մեջ է մինչև 2023 թվականը:
