«Մանչեսթեր Սիթիի» վինգեր Բերնարդու Սիլվայի հայրը՝ Պաուլոն, պատմել է, որ այս ամառ բանակցություններ են եղել «Բարսելոնայի» հետ:
«Բազմաթիվ բանակցություններ են եղել, բայց ոչ մի կոնկրետ առաջարկ չի արվել այն ժամանակահատվածում, որը մենք նպատակահարմար էինք համարում: Երբ այն եկավ, մենք հասկացանք, որ դա այլևս ճիշտ ժամանակը չէ բոլոր ներգրավված կողմերի համար:
Այն, ինչ հիմա ունենք, իդեալական է Բերնարդուի համար։ Նա հասուն ֆուտբոլիստ է, 28 տարեկան է։ Ամեն ինչ պետք է անել ռացիոնալ, ոչ թե էմոցիոնալ»,- Պաուլո Սիլվայի խոսքերն է մեջբերում Mundo Deportivo-ն:
