Մադրիդի «Ատլետիկոյի» կիսապաշտպան Ակսել Վիտցելը ճանաչվել է թիմի՝ օգոստոս ամսվա լավագույն ֆուտբոլիստ, հայտնում է ակումբի մամուլի ծառայությունը։

Նախորդ ամսում բելգիացին մադրիդյան ակումբի կազմում 3 հանդիպում է անցկացրել Իսպանիայի առաջնությունում՝ հանդես գալով կենտրոնական պաշտպանի դիրքում։ Այդ հանդիպումներում թիմը բաց թողեց 2 գնդակ։

33-ամյա կիսապաշտպանը մադրիդյան ակումբին միացել է ազատ գործակալի կարգավիճակով այս ամռանը: Ֆուտբոլիստի հետ պայմանագիրը նախատեսված է մեկ մրցաշրջանի համար։