«Մանչեսթեր Սիթիի» հարձակվող Էրլինգ Հոլանդը պատմել է, որ իրեն և «քաղաքաբնակների» գլխավոր մարզիչ Պեպ Գվարդիոլային միավորում է ֆուտբոլային կախվածությունը։
«Կարծում եմ՝ Գվարդիոլան ինձ նման կախվածություն ունի ֆուտբոլից: Երկուսս էլ սիրում ենք ֆուտբոլ։ Նա ֆուտբոլիստ էր, հիմա մարզիչ է, և այո, նա տարված է ֆուտբոլով, և դա այն է, ինչ ինձ դուր է գալիս:
Գվարդիոլան մտածում է ֆուտբոլում յուրաքանչյուր դետալի և այն մասին, թե ինչպես կարող է ավելի մեծ հաջողության հասնել, և դա այն է, ինչ ինձ դուր է գալիս նրա մեջ»,- ասել է Հոլանդը Telemundo Deportes-ին:
