«Բարսելոնայի» գլխավոր մարզիչ Չավին մեկնաբանել է կիսապաշտպան Միրալեմ Պյանիչի հնարավոր տեղափոխությունը «Շարժա»։
«Պյանիչը որոշել է հեռանալ, որպեսզի ավելի շատ հնարավորություններ ստանա խաղալու. նա իսկական պրոֆեսիոնալ է, կարծում եմ, որ նա հնարավորություններ ուներ այստեղ, բայց յուրաքանչյուրն ընտրում է իր ճանապարհը»,- ասել է Չավին: Ավելի վաղ հայտնի էր դարձել, որ 32-ամյա բոսնիացին կլքի ակումբը:
Նախորդ մրցաշրջանը Պյանիչը վարձավճարով անցկացրել է «Բեշիքթաշում», որի կազմում 26 խաղում կատարել է 4 գոլային փոխանցում։
Նրա պայմանագիրը «Բարսելոնայի» հետ ավարտվում է 2024 թվականի հունիսին։
