Հայտնի են դարձել կիսապաշտպան Արթուր Մելոյի՝ «Յուվենտուսից» «Լիվերպուլ» տեղափոխության մանրամասները, տեղեկացնում է ինսայդեր Ֆաբրիցիո Ռոմանոն։
Անգլիական ակումբը բրազիլացուն վարձակալել է մինչև մրցաշրջանի ավարտը ժամկետով։ Մերսիսայդցիները հաջորդ ամռանը կարող են ձեռք բերել 26-ամյա ֆուտբոլիստի տրանսֆերը 37,5 միլիոն եվրոյով, սակայն գնման օպցիան պարտադիր չէ:
«Լիվերպուլը» նաև պայմանավորվել է, որ եթե գնի կիսապաշտպանի տրանսֆերային իրավունքները, ապա այդ գումարը կվճարի 2 տարվա ընթացքում:
Անձամբ Արթուրը նախնական համաձայնություն է տվել անգլիական ակումբի հետ լիարժեք երկարաժամկետ պայմանագիր կնքելու համար։
