«Չելսիի» նորեկ Դենիս Զաքարիան մեկնաբանել է իր տեղափոխությունը լոնդոնյան ակումբ։ Սեպտեմբերի 2-ին ֆուտբոլիստը վարձավճարով տեղափոխվեց անգլիական թիմ։
«Եկել է նոր փորձառության և նոր արկածի ժամանակը: Ես ընդունեցի ինքս ինձ կատարելագործելու մարտահրավերը: Շատ գոհ եմ այս հնարավորությունից: Կարծում եմ՝ սա լավագույն շանս է՝ ապացուցելու իմ ամբիցիաները»,- գրել է Զաքարիան սոցցանցերի իր էջերում։
Վարձակալության պայմանագիրը նախատեսում է Շվեյցարիայի հավաքականի ֆուտբոլիստի տրանսֆերային իրավունքները գնելու հնարավորություն։ Transfermarkt-ը կիսապաշտպանի տրանսֆերային արժեքը գնահատում է 27 միլիոն եվրո։
