«Բարսելոնան» համաձայնել է փոխանակել հարձակվող Պյեր-Էմերիկ Օբամեյանգին «Չելսիի» պաշտպան Մարկոս Ալոնսոյի հետ, հայտնում է ինսայդեր Ֆաբրիցիո Ռոմանոն Twitter-ում։ Այնուամենայնիվ, Լոնդոնցիները հավելավճար կվճարեն 14 մլն եվրոյի տեսքով։
Սպասվում է, որ 33-ամյա գաբոնցին այսօր կմեկնի Լոնդոն՝ 2+1 սխեմայով պայմանագիր կնքելու համար: 31-ամյա Ալոնսոն երեք տարվա պայմանագիր կկնքի «Բարսայի» հետ:
Այս մրցաշրջանում Օբամեյանգը Լա Լիգայում կատալոնացիների կազմում մասնակցել է մեկ հանդիպման և աչքի չի ընկել արդյունավետ գործողություններով։
Նրա պայմանագիրը ակումբի հետ նախատեսված է մինչև 2025 թվականի հունիսի 30-ը:
