«Արսենալի» գլխավոր մարզիչ Միկել Արտետան մեկնաբանել է Անգլիայի առաջնության 5-րդ տուրում «Ասթոն Վիլայի» նկատմամբ տարած հաղթանակը (2:1):
«Ես շատ գոհ էի, հատկապես առաջին խաղակեսում: Մենք գերիշխում էինք ու իրար ետևից պահեր ստեղծում։ Ափսոս, որ չխփեցինք չորս կամ հինգ գոլ: Այս լիգայում երբեք երկու խաղակեսեր նույնը չեն լինում, և ես կարծում եմ, որ մենք շատ լավ արձագանքեցինք առանցքային պահերին՝ ցույց տալով բնավորություն և տոկունություն հաղթելու համար: Խոսքը համերաշխության ու փոխըմբռնման մասին է։
Մենք հաղթում ենք խաղերում և արժանի ենք դրան, բայց դեռ շատ ասպեկտներում կարող ենք բարելավվել»,- Արտետայի խոսքերն է մեջբերում BBC-ն։
