ՊՍԺ-ն հետաքրքրված է «Վալենսիայի» կիսապաշտպան Կառլոս Սոլերով։ Այս մասին Twitter-ում հայտնել է հայտնի լրագրող և ինսայդեր Նիկոլո Շիրան։
Հնարավոր գործարքի մանրամասները հայտնի չեն: Ավելի վաղ ՊՍԺ-ն խզել էր պայմանագիրը մեկ այլ իսպանացի կիսապաշտպան Անդեր Էրերայի հետ։
Ամռան սկզբին հաղորդվում էր, որ Սոլերը կարող է կարիերան շարունակել Մադրիդի «Ատլետիկոյում»։
Նախորդ մրցաշրջանում Կառլոս Սոլերը «Վալենսիայի» կազմում անցկացրել է 38 հանդիպում բոլոր մրցաշարերում՝ դառնալով 12 գոլի և 5 գոլային փոխանցման հեղինակ։
25-ամյա իսպանացու պայմանագիրը «Վալենսիայի» հետ նախատեսված է մինչև 2023 թվականի ամառ։
