Հայտնի է դարձել, թե ինչպիսի պայմանագիր է պատրաստ առաջարկել «Մանչեսթեր Յունայթեդը» Մադրիդի «Ռեալի» կիսապաշտպան Կազեմիրոյին՝ համոզելու բրազիլացուն տեղափոխվել մանկունիական ակումբ։
Ըստ Marca-ի, «Մանչեսթեր Յունայթեդը» պատրաստ է 30-ամյա Կազեմիրոյին առաջարկել հինգ տարվա պայմանագիր և կրկնապատկել նրա ներկայիս աշխատավարձը. նա Մադրիդի «Ռեալում» ստանում է շաբաթական 215,000 եվրո:
Մադրիդի «Ռեալը» չի պահի բրազիլացուն, եթե նա իսկապես ցանկանա հեռանալ, բայց կհամաձայնի վաճառել ֆուտբոլիստին, եթե «Մանչեսթեր Յունայթեդի» առաջարկը գերազանցի 60 միլիոն եվրոն։
