«Բարսելոնայի» կիսապաշտպան Միրալեմ Պյանիչը շուտով կարող է հեռանալ կատալոնական ակումբից։ Ավելի վաղ թիմի ղեկավարությունը որոշել էր բաժանվել ֆուտբոլիստից:
Ըստ Fichajes-ի՝ ֆուտբոլիստով հետաքրքրված են «Յուվենտուսը», «Միլանը», «Նապոլին» և «Ֆիորենտինան»:
Ավելի վաղ հայտնել ենք, որ ամենայն հավանականությամբ ակումբը կլքեն նաև Մեմֆիս Դեպայը և Սամուել Ումտիտին:
Անցած մրցաշրջանը Պյանիչը վարձավճարով անցկացրել է «Բեշիքթաշում», որի կազմում 26 խաղում կատարել է 4 գոլային փոխանցում։
Նրա պայմանագիրը «Բարսելոնայի» հետ ավարտվում է 2024 թվականի հունիսին։
