«Բարսելոնայի» պաշտպան Օսկար Մինգեսան ամառային տրանսֆերային պատուհանի ընթացքում կարող է լքել թիմը, հայտնում է Marca-ն։
Աղբյուրի տեղեկություններով՝ կատալոնացիները ցանկանում են վաճառել 23-ամյա իսպանացուն այս ամառ և ցանկանում են նրա համար ստանալ 10 միլիոն եվրո։
«Ժիրոնան» հետաքրքրված է ֆուտբոլիստով, սակայն ակումբը պատրաստ չէ «Բարսելոնային» վճարել այն գումարը, որը պահանջվում է ֆուտբոլիստի համար:
Այնուամենայնիվ, կողմերի միջև բանակցությունները դեռ շարունակվում են:
2021/22 մրցաշրջանում Մինգեսան «Բարսելոնայի» կազմում անցկացրած 27 խաղում կատարել է 2 գոլային փոխանցում։
Transfermarkt.com պորտալը ֆուտբոլիստի արժեքը գնահատում է 6 միլիոն եվրո:
