«Մանչեսթեր Սիթիի» հարձակվող Ռիյադ Մահրեզը պատրաստվում է նոր պայմանագիր կնքել ակումբի հետ, հայտնում է The Sun-ը:
Բանակցությունները տեղի կունենան հաջորդ ամսվա ընթացքում։ Ակումբը ցանկանում է թիմում պահել Մահրեզին՝ հարձակվողներ Գաբրիել Ժեզուսի և Ռահիմ Ստերլինգի ապագայի հետ կապված անորոշության պատճառով:
Ավելի վաղ 31-ամյա ալժիրցու նկատմամբ հետաքրքրություն են ցուցաբերում «Միլանը» և ՊՍԺ-ն։
Մահրեզի գործող պայմանագիրը «Սիթիի» հետ ավարտվում է 2023 թվականի հունիսին։
Անցած մրցաշրջանում ֆուտբոլիստն ակումբի կազմում անցկացրել է 47 հանդիպում՝ դառնալով 24 գոլի և 9 գոլային փոխանցման հեղինակ։
