«Մանչեսթեր Յունայթեդի» նախկին կիսապաշտպան Պոլ Պոգբան քննադատել է «կարմիր սատանաների» ղեկավարությանը իրեն նոր պայմանագիր չառաջարկելու համար։
«Ինչպե՞ս կարելի է ֆուտբոլիստին ասել, որ նա կարևոր է, և ոչինչ չառաջարկել նրան։ Առաջին անգամ եմ նման բան տեսնում»,- Պոգբայի խոսքերն է մեջբերում Manchester Evening News-ը։
2021/22 մրցաշրջանում Պոլ Պոգբան «Մանչեսթեր Յունայթեդի» կազմում անցկացրել է 27 հանդիպում, որոնցում խփել է 1 գոլ և կատարել 9 գոլային փոխանցում։ Transfermarkt-ը 48 մլն եվրո է գնահատել ֆրանսիացու շուկայական արժեքը։
