«Թոթենհեմը» հետաքրքրված է «ԱԶ Ալկմարի» պաշտպան Արիես Վեյնդալի ծառայություններով:
Ակումբը բանակցություններ է վարում 22-ամյա ֆուտբոլիստի հետ, հայտնում է Sky Sports-ը՝ հղում անելով Express-ին:
Հոլանդական ակումբի հետ պայմանագրի համաձայն պաշտպանը կարող է տեղափոխվել լոնդոնյան ակումբ ընդամենը 8,5 մլն ֆունտի դիմաց։ Դա պաշտպանի հրաժարագնի չափն է:
Անցած մրցաշրջանում Վեյնդալը թիմի կազմում բոլոր մրցաշարերում անցկացրել է 43 հանդիպում՝ դառնալով մեկ գոլի և 12 գոլային փոխանցման հեղինակ:
Պաշտպանի պայմանագիրն ակումբի հետ նախատեսված է մինչև 2024 թվականի ամառը։
