Իսպանական Լա Լիգայի չորս ակումբներ ցանկանում են ձեռք բերել «Մանչեսթեր Յունայթեդի» նախկին հարձակվող Էդինսոն Կավանիին: Այս մասին գրում է իսպանական մամուլը։
35-ամյա ուրուգվայցու ծառայություններով հետաքրքրված են Մադրիդի «Ատլետիկոն», «Սևիլիան», «Վիլյառեալը» և «Ռեալ Սոսյեդադը»:
Կավանին «Մանչեսթեր Յունայթեդում» խաղացել է 2020 թվականի աշնանից մինչև 2022 թվականի մայիսը։
Անցած մրցաշրջանում նա «կարմիր սատանաների» կազմում անցկացրել է 20 հանդիպում և դարձել 2 գոլի հեղինակ։
Ավելի վաղ հաղորդվում էր, որ ուրուգվայցին մոտ է«Վիլյառեալ» տեղափոխությանը։
