Մադրիդի «Ռեալի» կիսապաշտպան Էդեն Ազարը հայտարարել է, որ ակնկալում է իրեն ավելի լավ դրսևորել հաջորդ մրցաշրջանում։
«Համոզված եմ, որ հաջորդ մրցաշրջանն իմն է լինելու: Ես դրանում կասկած չունեմ: Հաջորդ մրցաշրջանում ավելի շատ ջանք կգործադրեմ»,- ասել է 31-ամյա բելգիացին։
Ավարտված մրցաշրջանում Ազարը բոլոր մրցաշարերում մասնակցել է «սերուցքայինների» 23 խաղի՝ դառնալով մեկ գոլի և երկու գոլային փոխանցման հեղինակ։
Ֆուտբոլիստի պայմանագիրը «Ռեալի» հետ նախատեսված է մինչև 2024 թվականը։ Նրա ներկայիս տրանսֆերային արժեքը Transfermarkt-ը գնահատում է 16 միլիոն եվրո։
