«Արսենալի» կիսապաշտպան Մոհամեդ Էլ-Նենին կշարունակի հանդես գալ լոնդոնյան ակումբում, հայտնում է լրագրող Նիկոլո Սկրան։
29-ամյա եգիպտացին մոտ է «զինագործների» հետ մինչև 2023 թվականը նախատեսված նոր պայմանագիր կնքելուն՝ այն ևս մեկ տարով երկարաձգելու տարբերակով, տեղեկացնում է աղբյուրը։
2021/22 մրցաշրջանում Էլ-Նենին «Արսենալի» կազմում անցկացրել է 17 հանդիպում, որոնցում դարձել է 1 գոլային փոխանցման հեղինակ։ Կիսապաշտպանի գործող համաձայնագրի ժամկետը լրանում է առաջիկա ամռանը:
