Մադրիդի «Ռեալի» գլխավոր մարզիչ Կառլո Անչելոտտին մեկնաբանել է Չեմպիոնների Լիգայի կիսաեզրափակչի պատասխան խաղում «Մանչեսթեր Սիթիի» նկատմամբ տարած 3:1 հաշվով հաղթանակը։
«Չեմ կարող ասել, որ մենք արդեն սովոր ենք հաղթել այս ձևով, բայց նույնը եղավ «Չելսիի» և ՊՍԺ-ի դեմ։ Եթե հարցնեք, թե ինչպես է մեզ դա հաջողվում, ես կպատասխանեմ, որ ակումբի պատմությունն օգնում է մեզ շարունակել պայքարը նույնիսկ այն ժամանակ, երբ թվում է, թե ամեն ինչ արդեն ավարտված է։
Խաղը մոտ էր ավարտին, բայց մենք, այնուամենայնիվ, կարողացանք վերջին շանսն օգտագործել։ Մենք լավ հանդիպում անցկացրինք ուժեղ մրցակցի դեմ։ Խփած գոլը, որը թույլ տվեց մեզ հավասարեցնել հաշիվը, վստահություն ներշնչեց ավելացված ժամանակում և հոգեբանական առավելություն տվեց։
Ամբողջ աշխարհը կարծում էր, որ խաղը գրեթե ավարտված է. սա լավ կոմբինացիա էր, Ռոդրիգոյի գոլը, և մենք ներդրեցինք մեր ողջ էներգիան: Ձեզ որոշակի հաջողություն է անհրաժեշտ: «Մանչեսթեր Սիթին» շատ ուժեղ մրցակից էր, խաղը շատ մրցունակ էր: Պահանջվեց քրտնաջան աշխատանք, անձնազոհություն, էներգիա…: Փոփոխությունները շատ օգնեցին»,- Անչելոտտիի խոսքերն է մեջբերում ՈւԵՖԱ-ի մամուլի ծառայությունը։
