«Վեսթ Հեմի» հարձակվող Մայքլ Անտոնիոն կիսվել է Եվրոպա Լիգայի կիսաեզրափակչի Ֆրանկֆուրտի «Այնտրախտի» դեմ պատասխան խաղից ունեցած սպասելիքներով։ Առաջին հանդիպմանն անգլիացիները պարտվել էին (1:2):
«Մենք դեռ հավատում ենք, որ կկարողանանք դուրս գալ եզրափակիչ։ Անցյալում միայն դիմակայության առաջին խաղակեսն է: Հանդիպումից առաջ մենք ինքներս մեզ ասել ենք, որ ցանկանում ենք դուրս գալ եզրափակիչ։ Մենք չենք կասկածում, որ հաջողության կհասնենք»,- Անտոնիոյի խոսքերն է մեջբերում ՈւԵՖԱ-ի մամուլի ծառայությունը։
«Այնտրախտ» – «Վեսթ Հեմ» հանդիպումը կկայանա մայիսի 5-ին։ Սկիզբը՝ Երևանի ժամանակով 23:00-ին:
