«Ռոմայի» 33-ամյա հայ կիսապաշտպան Հենրիխ Մխիթարյանը կողմնորոշվել է իր ապագայի հարցում՝ հայտնում է DAZN-ը։
Ըստ լրատվականի՝ Հենրիխը ցանկանում է մնալ թիմում, սակայն պատրաստ է լսել իտալական Ա Սերիայի այլ ակումբների առաջարկները:
Ավելի վաղ տեղեկություններ կային, որ «Լացիոն» հետաքրքրված է Մխիթարյանի ծառայություններով և պատրաստ է թիմ հրավիրել նրան:
Մխիթարյանի գործող պայմանագրի ժամկետը՝ «Ռոմայի» հետ կավարտվի հունիսին:
Հայ ֆուտբոլիստը ընթացիկ մրցաշրջանում բոլոր մրցաշարերում անցկացրել է 42 հանդիպում, դարձել 5 գոլի և 9 գոլային փոխանցման հեղինակ:
