«Թոթենհեմը» ցանկանում է թիմում պահել հարձակվող Հարի Քեյնին, հայտնում է լրագրող Ֆաբրիցիո Ռոմանոն։
«Խցանների» գլխավոր մարզիչ Անտոնիո Կոնտեն պնդում է, որ անգլիացին թիմի առանցքային ֆուտբոլիստն է: Լոնդոնյան ակումբը ոչ միայն չի պատրաստվում վաճառել 28-ամյա ռմբարկուի տրանսֆերը, այլև մտադիր է նոր համաձայնագիր կնքել նրա հետ՝ բարելավված պայմաններով։
Քեյնի գործող պայմանագիրը «Թոթենհեմի» հետ նախատեսված է մինչև 2024 թվականի հունիսի 30-ը։ Transfermarkt-ը հարձակվողի տրանսֆերային արժեքը գնահատում է 100 միլիոն եվրո:
Ավարտված մրցաշրջանում անգլիացին բոլոր մրցաշարերում անցկացրել է 44 հանդիպում՝ դառնալով 22 գոլի և 9 գոլային փոխանցման հեղինակ:
