«Նապոլիի» գլխավոր մարզիչ Լուչիանո Սպալետտին Իտալիայի առաջնության 33-րդ տուրի՝ «Ռոմայի» դեմ խաղից (1:1) հետո մեկնաբանել է Ժոզե Մոուրինյոյի խոսքերը: Պորտուգալացի մասնագետը քննադատել էր հանդիպման մրցավարությանը:
«Առաջին իսկ պահից, երբ եկել եմ այստեղ, ես միշտ ասել եմ իմ ֆուտբոլիստներին, որ նրանք իրենց լավ դրսևորեն և չբարձրացնեն ձայնը։ Արդյունքում, երբ մրցակիցները խաղում են մեր մարզադաշտում, նրանք իրենց այնպես են պահում, ասես դաշտի տերերն են, հավաքվում են մրցավարի շուրջը և անում են այն, ինչ ուզում են»,- Սպալետտիի խոսքերն է մեջբերում DAZN-ը:
«Նապոլին» 33 խաղում վաստակած 67 միավորով 3-րդն է մրցաշարային աղյուսակում՝ 4 միավորով գերազանցելով «Յուվենտուսին»: «Ռոման» 58 միավորով մնում է 5-րդ տեղում:
