«Ռոմայի» գլխավոր մարզիչ Ժոզե Մոուրինյոն Ա Սերիայի 33-րդ տուրի «Նապոլիի» հետ հանդիպումից (1:1) հետո խոսել է մրցավարների աշխատանքի մասին։
«Տոնում էի ոչ-ոքի արդյունքը, քանի որ հանդիպման ընթացքում անհնար էր թվում խաղն ավարտել դրական արդյունքով։ Ոչ այն պատճառով, որ իմ թիմը վատ խաղաց։ Հանդիպման ժամանակ ավելացրինք, բայց զգացողություն ունեի, որ իրավիճակը շտկելը շատ դժվար կլինի։
Իմ թիմն այսօր ֆանտաստիկ էր։ Մենք ավելին էինք ուզում, բայց հասանք հնարավորին։ Չեմ ցանկանում շատ խոսել մրցավարների մասին: Բավական է, նրանք պետք է որոշակի հարգանք ցուցաբերեն։ Ցավոք, այս մրցաշրջանում մենք բավական լավ հանդես չեկանք հատվածներից մեկում և չենք կարողանա պայքարել Սկուդետտոյի համար, սակայն ցանկանում ենք իրավունք վաստակել պայքարել խաղում հաղթանակի համար։ Այս անգամ նրանք մեզանից խլեցին դա»,- Մոուրինյոյի խոսքերն է մեջբերում Football Italia-ն՝ հղում անելով DAZN-ին:
