«Չելսիի» երկրպագուները սոցցանցերում քննադատել են հարձակվող Ռոմելու Լուկակուին Անգլիայի գավաթի 2021/2022 մրցաշրջանի կիսաեզրափակիչում «Քրիսթալ Փելասի» դեմ ցուցադրած վատ խաղի համար (2-0), հայտնում է Daily Mail-ը։

Ըստ աղբյուրի՝ երկրպագուները դժգոհ են ֆուտբոլիստի տրամադրվածությունից։ Լուկակուն արդեն երկար ժամանակ է չի կարողանում հաստատվել թիմի մեկնարկային կազմում, ուստի երկրպագուները ցանկանում են, որ նա հեռանա։

Ընթացիկ մրցաշրջանում Լուկակուն «Չելսիի» կազմում բոլոր մրցաշարերում անցկացրել է 37 հանդիպում՝ դառնալով 12 գոլի և 2 գոլային փոխանցման հեղինակ։