«Բարնլին» պաշտոնապես հայտարարել է գլխավոր մարզիչ Շոն Դայչին և նրա օգնականներին աշխատանքից հեռացնելու մասին։
50-ամյա մասնագետը «Բարնլին» մարզում է 2012 թվականից, նրա գլխավորությամբ թիմը երկու անգամ հասել է Պրեմիեր Լիգա, որտեղ նրանք զբաղեցրել են իրենց համար ամենաբարձր 7-րդ տեղը և մասնակցել Եվրոպա Լիգային։
Այս մրցաշրջանի 30 խաղից հետո «Բարնլին» գտնվում է ԱՊԼ-ի մրցաշարային աղյուսակի լքման գոտում՝ զբաղեցնելով աղյուսակի 18-րդ հորիզոնականը՝ 4 միավորով հետ մնալով 17-րդ տեղից։ Թիմը հաղթել է առաջնության վերջին 7 խաղերից միայն մեկում:
Ապրիլի 17-ին կայանալիք «Վեսթ Հեմի» դեմ խաղում «Բարնլիի» գլխավոր մարզչի պաշտոնակատարը կլինի երիտասարդական թիմի մարզիչ Մայք Ջեքսոնը։
