«Բարսելոնան» հետաքրքրված է ՊՍԺ-ի կիսապաշտպան Չավի Սիմոնսի ծառայություններով, հայտնում է Sport.es-ը:

Կատալոնական ակումբը ցանկանում է վերադարձնել իր 18-ամյա սանին, ում պայմանագիրը փարիզյան ակումբի հետ ուժի մեջ է մինչև այս տարվա հունիսի 30-ը։ Միևնույն ժամանակ ՊՍԺ-ն ցանկանում է պահել հոլանդացուն և նրան առաջարկել է երկարաձգել պայմանագիրը։

2021/22 մրցաշրջանում Սիմոնսը ՊՍԺ-ի կազմում մասնակցել է 7 հանդիպման և կատարել 1 գոլային փոխանցում։ Transfermarkt.com պորտալը կիսապաշտպանի տրանսֆերը գնահատում է 3 միլիոն եվրո։

Սիմոնսը ՊՍԺ-ին միացել է 2019 թվականի հուլիսին՝ 9 տարի «Բարսելոնայի» ակադեմիայում անցկացնելուց հետո: