«Լիվերպուլը» հետաքրքրված է «Տորինոյի» պաշտպան Գլեյսոն Բրեմերի տեղափոխությամբ, հայտնում է Goal-ը։
Աղբյուրի տեղեկություններով՝ 25-ամյա խաղացողը, ամենայն հավանականությամբ, ամռանը կհեռանա իտալական ակումբից։ Բրազիլացու համար պայքարում այս պահին առաջատարը «Ինտերն» է։ Բրեմերի տրանսֆերը գնահատվում է 25 միլիոն եվրո։
Պաշտպանի պայմանագիրը «Տորինոյի» հետ նախատեսված է մինչև 2024 թվականի հունիսի 30-ը։ Նա ընթացիկ մրցաշրջանում անցկացրել է 28 հանդիպում՝ դառնալով 3 գոլի և 1 գոլային փոխանցման հեղինակ։
