«Բարսելոնայի» գլխավոր մարզիչ Չավին հաստատել է, որ Ռոնալդ Արաուխոն շուտով կերկարաձգի պայմանագիրը ակումբի հետ:
– Ուրա՞խ եք, որ Արաուխոն կերկարաձգի պայմանագիրը:
– Դա «Բարսելոնային» երաշխիք է տալիս: Մենք կենտրոնական պաշտպան ունենք առաջիկա 10 և ավելի տարիների համար: Այս մակարդակի կենտրոնական պաշտպաններն ընդամենը մի քանիսն են: Նա գնալով ավելի լավ է խաղում գնդակը խլելիս: Արաուխոն համեստ, նվիրված և աշխատասեր տղա է: Այն, որ նա մեր կազմում է, շքեղություն է։ «Բարսելոնայում» մնալը նրա համար ճիշտ որոշում է:
