ՖԻՖԱ-ն մարտի 30-ին ընդունել է ֆուտբոլիստների վարձակալության վերաբերյալ նոր կանոններ։ Այս մասին հայտնում է կառույցի մամուլի ծառայությունը։
Այս տարվա հուլիսի 1-ից վարձակալության նվազագույն ժամկետը կլինի երկու տրանսֆերային պատուհանների միջև ընկած ժամանակահատվածը: Վարձակալության առավելագույն ժամկետը կլինի մեկ տարի։ Բացի այդ, արդեն իսկ վարձավճարով հանդես եկող ֆուտբոլիստներին այլևս հնարավոր չի լինի կրկին անգամ վարձակալել։
ՖԻՖԱ-ն նաև արգելել է այն ակումբներին, որոնք փոխանակվում են ֆուտբոլիստներով, դա անել ավելի քան 3 անգամ. այժմ ակումբը չի կարող մեկ այլ ակումբ վարձակալական հիմունքներով բաց թողնել 3-ից ավելի խաղացողի և նաև 3-ից ավելի ֆուտբոլիստ վարձակալել տվյալ ակումբից:
Նոր կանոնները չեն տարածվի 21 տարեկանից ցածր ֆուտբոլիստների, ինչպես նաև ակումբի սեփական սաների վրա։
