ՊՍՎ-ն այս շաբաթ պետք է ներկայացնի թիմի նոր մարզչական շտաբը:
Ինչպես հայտնում է Voetbal International-ը՝ հաջորդ մրցաշրջանից ակումբը կղեկավարի Ռուդ վան Նիստելռոյը: Ֆրեդ Ռութենը կլինի նրա օգնականը։ Նաև շտաբում կաշխատի Գուս Հիդինգը՝ որպես համակարգող։
75-ամյա մասնագետը նախկինում աշխատել է որպես գլխավոր մարզչի օգնական 1984-1987 թվականներին, իսկ հետո գլխավոր մարզիչ է դարձել մինչև 1990 թվականը։ Ավելի ուշ նա վերադարձավ թիմ 2002-ից 2006 թվականներին։
ՊՍՎ-ի հետ Հիդինգը 6 անգամ հաղթել է ներքին առաջնությունում, 4 անգամ նվաճել է Հոլանդիայի գավաթը, ինչպես նաև մեկ անգամ Եվրոպայի չեմպիոնների գավաթը։
