Մադրիդի «Ռեալը» հետաքրքրված է Դորտմունդի «Բորուսիայի» կիսապաշտպան Ջուդ Բելինգհեմի ծառայություններով, տեղեկացնում է գերմանական BILD պարբերականը։
Աղբյուրի համաձայն՝ «արքայական» ակումբը մտադիր է 18-ամյա խաղացողի տրանսֆերն իրականացնել 2023 թվականի ամռանը։ Անգլիացի ֆուտբոլիստի տեղափոխությամբ հետաքրքրված է նաև «Լիվերպուլը»:
Նշվում է, որ պոտենցիալ տրանսֆերի արժեքը գնահատվում է 100 միլիոն եվրո։
Հաղորդվում է, որ «սերուցքայինների» ղեկավարությունը նման որոշում կարող է կայացնել՝ կապված այն բանի հետ, որ 2023 թվականին և՛ Տոնի Կրոսը, և՛ Լուկա Մոդրիչը կարող են հեռանալ թիմից, իսկ Էդուարդո Կամավինգայի ու Ֆեդերիկո Վալվերդեի հետ նրանց կփոխարինի Բելինգհեմը։
