Մադրիդի «Ռեալը» հետաքրքրված է «Լայպցիգի» կիսապաշտպան Դանի Օլմոյի ծառայություններով, հայտնում է El Nacional-ը:
23-ամյա ֆուտբոլիստը գլխավորում էր «Բարսելոնայի» հավանական տրանսֆերների ցանկը, սակայն կատալոնական ակումբը, ի վերջո, որոշեց հրաժարվել վերադարձնել իր սանին: Սակայն Իսպանիայի հավաքականի ֆուտբոլիստի ծառայություններով հետաքրքրված է Մադրիդի «Ռեալը», որը պատրաստ է տրանսֆերն իրականացնել արդեն այս ամռանը:
Ընթացիկ մրցաշրջանում Օլմոն բոլոր մրցաշարերում անցկացրած 18 խաղում դարձել է 3 գոլի և 5 գոլային փոխանցման հեղինակ: Transfermarkt-ը նրա տրանսֆերային արժեքը գնահատում է 45 միլիոն եվրո։
