Հարձակվող Անտոնի Մարսիալը, ով վարձավճարով հանդես է գալիս «Սևիլիայում», պետք է ամռանը վերադառնա «Մանչեսթեր Յունայթեդ», հայտնում է ինսայդեր Ֆաբրիցիո Ռոմանոն:
Կողմերի միջև պայմանագրում չի եղել 26-ամյա խաղացողի տրանսֆերը գնելու օպցիա։ Եվ մինչ այժմ իսպանական ակումբը չի բանակցել ֆուտբոլիստի լիարժեք տրանսֆերի շուրջ։
Հարձակվողի պայմանագիրը «Յունայթեդի» հետ նախատեսված է մինչև 2024 թվականը: Transfermarkt-ը ֆրանսիացու տրանսֆերային արժեքը գնահատում է 28 միլիոն եվրո։
Իսպանիայի ընթացիկ առաջնությունում Մարսիալը մասնակցել է 5 խաղի և կատարել է 1 գոլային փոխանցում։
