«Մանչեսթեր Յունայթեդի» գլխավոր մարզիչ Ռուբեն Ամորիմը մեկնաբանել է «Կարմիր սատանաների» անպարտելի շարքը։
Պրեմիեր Լիգայի 10-րդ տուրում «Նոթինգհեմ Ֆորեսթի» դեմ 2-2 ոչ-ոքիից հետո մանկունիանցիների անպարտելի շարքը հասավ չորս հանդիպման։
«Ամեն ինչ վստահության մասին է։ Այն փոխվել է։ Մենք երեք լավ խաղ ենք անցկացրել և ձեռք ենք բերել ինքնավստահության բոլորովին այլ մակարդակ։ Մենք միմյանց ավելի լավ ենք հասկանում», – մամուլի ասուլիսում ասել է մասնագետը։
Պրեմիեր Լիգայի 10-րդ տուրից հետո «Մանչեսթեր Յունայթեդը» մրցաշարային աղյուսակում զբաղեցնում է հինգերորդ տեղը՝ 17 միավորով։
