Իսպանիայի կառավարության բռնության դեմ պայքարի հանձնաժողովը խորհուրդ է տվել 4000 եվրո տուգանք սահմանել «Օվիեդոյի» երկրպագուի համար՝ «Բարսելոնայի» հարձակվող Մարկուս Ռեշֆորդի հասցեին ուղղված ռասիստական վիրավորանքների համար։
Լա Լիգայի «Օվիեդո» – «Բարսելոնա» (1-3) խաղի ժամանակ մարզադաշտում գտնվող երկրպագուներից մեկը իսպաներենով ռասիստական վիրավորանքներ էր բղավում։
«Տեսախցիկների տեսագրությունների վերլուծությունը բացահայտել է ենթադրյալ հանցագործին։ Այս առաջարկի քննարկումը կախված կլինի քրեական վարույթի ընթացքում կայացված վերջնական որոշումներից», – հանձնաժողովի խոսքերը մեջբերել է ESPN-ը։
28-ամյա անգլիացի Ռեշֆորդը 2025/26 մրցաշրջանում բոլոր մրցաշարերում խփել է հինգ գոլ և կատարել յոթ գոլային փոխանցում 13 խաղում։
