«Բարսելոնայի» գլխավոր մարզիչ Հանս-Դիտեր Ֆլիկը տեղեկացրել է ակումբի ղեկավարությանը, որ մտադիր չէ երկարաձգել համագործակցությունը 2026 թվականից հետո, հաղորդում է Don Balon-ը։

Աղբյուրի համաձայն՝ գերմանացի մասնագետը նախագահ Ժոան Լապորտային խորհուրդ է տվել արդեն հիմա սկսել մտածել իր հնարավոր փոխարինողի մասին։ Ֆլիկը, սակայն, շարունակում է լիովին կենտրոնացած մնալ ընթացիկ մրցաշրջանի վրա։

Ակումբի ներսում չեն բացառում, որ, եթե թիմը չհասնի իր նպատակներին, Ֆլիկը կարող է հեռանալ նույնիսկ ավելի շուտ՝ առանց պաշտոնանկության սպասելու։

Նա ընդգծել է, որ չի ցանկանում կրկնել Գերմանիայի հավաքականի հետ ունեցած փորձը և հեռանալու դեպքում կանի դա արժանապատվորեն։

Ֆլիկը գլխավորեց «Բարսելոնան» 2024 թվականի մայիսին, և առաջին իսկ մրցաշրջանում թիմը նվաճեց Լա Լիգայի, Իսպանիայի գավաթի և Սուպերգավաթի տիտղոսները, ինչպես նաև հասավ Չեմպիոնների լիգայի կիսաեզրափակիչ։